పిజ్జా…ఎప్పుడు, ఎక్కడ, ఎలా పుట్టిందో తెలుసా...
ఈ రోజు పిజ్జా ప్రపంచవ్యాప్తంగా అత్యంత ప్రాచుర్యం పొందిన ఆహారాలలో ఒకటి… ఇటలీలో పుట్టిన ఈ వంటకం మెళ్లిగా ప్రపంచమంతా ప్రాచుర్యం పొంది…నేడు యూనివర్సల్ ఫుడ్ గా నిలిచింది…ఇది ఎప్పుడు పుట్టింది, దాని విషేశాలేమిటో తెలుసుకుందామా?
1) రాతి యుగం చివరి రోజులు నుండి నుండి పిజ్జా లాంటి ఆహారాలు (అంటే రొట్టెను మరింత రుచిగా మార్చడానికి ఇతర పదార్ధాలను జోడించడం) తయారు చేయబడ్డాయి.
2) క్రీస్తుపూర్వం 6 వ శతాబ్దంలో, కింగ్ డారియస్ ఈ పాలనలో అచెమెనిడ్ సామ్రాజ్యం యొక్క పెర్షియన్ సైనికులు చీస్, డేట్స్‌తో ఫ్లాట్ బ్రెడ్ ను తయారు చేశారు. అలాగే పురాతన గ్రీకులు తమ రొట్టెను ఆలివ్ ఆయిల్, చీస్ మరియు ఇతర వెజిటేబుల్స్ తో నింపి తినేవారు.
3) అయితే మోడర్న్ పిజ్జాను (బ్రెడ్ పైన టమాటో సాస్, చీస్ మరియు వెజిటేబుల్స్, మీట్ టాపింగ్స్ తో కూడిన పిజ్జా) ఇటలీలోని నేపుల్స్‌కు చెందిన బేకర్ రాఫెల్ ఎస్పోసిటో 1889 లో మొదటిసారిగా తయారు చేశాడు.
4) ఇటాలియన్ కింగ్ ఉంబెర్టో ఈ మరియు క్వీన్ మార్గెరిటా 1889 లో నేపుల్స్ ను సందర్శించారు. అక్కడ, ఎస్పోసిటోను పిజ్జాగా చేయమని అడిగారు. అతను తాజా టమోటాలు, మోజారెల్లా చీస్ మరియు బేసిల్‌తో పిజ్జా బేక్ చేసి ఇచ్చాడు. ఆ పిజ్జాను నేటికీ పిజ్జా మార్గెరిటా అని పిలుస్తారు.
5) ఇలా మొదలైన పిజ్జా మెళ్లిగా ఇటాలియన్ వలసదారుల వల్ల ప్రపంచమంతా పరిచయమైంది. స్పెయిన్, ఫ్రాన్స్, ఇంగ్లాండ్ మరియు అమెరికా కు వెళ్ళి స్ధిరపడిన ఇటాలియన్లు అక్కడి వారికి పిజ్జా పరిచయం చేశారు.
6) అయితే, రెండవ ప్రపంచ యుద్ధం వరకు ఇది అమెరికాలో అంతగా ప్రజాదరణ పొందలేదు. యూరప్‌లో యుద్ధంలో పాల్గొని తిరిగి వచ్చిన సైనికులు అక్కడ తరచుగా తిన్న పిజ్జా నచ్చడంతో అమెరికాలో “పిజ్జాదరణ” పెరిగింది.
7) అమెరికాలో మొట్ట మొదటి పిజ్జా స్టోర్ “జి. లోంబార్డి”, 1905 లో ప్రారంభించబడింది. దీని యజమాని జెన్నారో లోంబార్డి. న్యూయార్క్ నగరంలోని 53 స్ప్రింగ్ స్ట్రీట్‌లో ఈ రెస్టారెంట్ ను ప్రారంభించాడు. ఇప్పటికీ అదే ఒరిజినల్ ఓవెన్‌తో ఈ పిజ్జా స్టోర్ నడుస్తుంది (స్టోర్ స్థలాన్ని మార్చారు).
8) నిజమైన విస్తరణ మాత్రం పిజ్జా చైన్ రెస్టారెంట్ల ఆవిర్భావం తర్వాతే జరిగింది. 1958 లో పిజ్జా హట్, 1959 లో లిటిల్ సీజర్, 1960 లో డొమినోస్ పిజ్జా ప్రారంభంతో అమెరికాలో ఇంటింటికీ పిజ్జా రుచి తెలిసింది.
9) భారతదేశానికి మొదటి సారిగా 1996లో పిజ్జా హట్ (బెంగలూరు), డోమినోస్ (ఢిల్లీ) ప్రారంభంతో పిజ్జాలు పరిచయం అయ్యాయి.
10) 2019 లెఖ్ఖల ప్రకారం ప్రపంచ పిజ్జా మార్కెట్ విలువ 145 బిలియన్ డాలర్లు (10 లక్షల కోట్లు). కేవలం అమెరికా మార్కెట్ విలువ 45 బిలియన్ డాలర్లు
No comments:
Post a Comment